Mektepke shekemgi tálim pedagogikası hám psixologiyası kafedrası

«Mektepke shekemgi tálim pedagogikası hám psixologiyası» kafedrası 2019-jılı sentyabr ayında «Mektepke shekemgi tálim» fakulteti quramında ashıldı. Kafedranı pedagogika ilimleriniń kandidatı, docent A.Bekimbetova basqarıp kelmekte. Kafedrada Qaraqalpaqstanǵa hám Ózbekstanǵa belgili oqıtıwshılar, ilimpazlar xızmet etip kelmekte. Házirgi waqıtta kafedrada 12 pedagog xızmetker, sonnan 2 docent, 2 úlken oqıtıwshı hám 8 assistent-oqıtıwshılar jumıs islep kelmekte.

Kafedra jetiskenlikleri

Fakultetler aralıq kafedra bolǵanlıǵı ushın oqıtıwshılar instituttıń bir neshe fakultetlerinde “Ulıwma pedagogika” hám “Ulıwma psixologiya” pánlerinen sapalı sabaqlar ótip kelmekte.

Kafedramız oqıtıwshıları institutımızdıń jámiyetlik jumıslarında da belsendilik kórsetip atır. Solardan, kafedramız baslıǵı docent A.Bekimbetovanıń basshılıǵında “Mádeniyat Moynaqtan baslanadı” uranı tiykarında Moynaq qalasindaǵı 2-sanlı ulıwma bilim beriw mektebinde seminar-trening shólkemlestirildi.

Sonday-aq atalıqqa alınǵan Nókis qalalıq 18 sanlı ulıwma bilim beriw mektebi jámááti menen shártnama dúzilip, kafedranıń “Jol kartası” hám jobası tiykarında birge islesiw jumısları alıp barılmaqta. Fakultetimız kóleminde ruwhıy aǵartıwshılıq jumıslar ziyrek studentler menen birge ónimdarlı jumislardi ámelge asırıp kelmekte.


SOŃǴÍ JAŃALÍQLAR

Mektepke shekemgi tálim fakulteti jańalıqları menen tanısıń!

Logopedler bayramı

Mektepke shekemgi tálim fakultetinde 14-noyabr "Logopedler bayramı" keń túrde belgilendi. Bayramda student jaslar tárepinen tayarlanǵan saxnalıq kórinisler hámde ayaq oyınlar qatnasıwshılar názerine usınıldı.

Spidke qarsı gúres

29-noyabr kúni 1-dekabr "Xalıqaralıq spid hám narkomaniyaǵa qarsı gúresiw kúni" múnásebeti menen 1-2 kurslar arasında "Biz narkomaniyaǵa qarsımız" atlı tádbir shólkemlestirildi. Tádbirde fakultet dekanı hám professor oqıtıwshılar qatnastı.

Xosh keldiń "Jańa jıl"

17-dekabr kúni jańa 2020-jıl kirip keliwi múnásebeti menen bayram tádbiri shólkemlestirildi. Keshege jıynalǵan qatnasıwshılar bayram menen qutlıqlandı. 2019-jıl jaqsı nátiyjege erisken ustaz hám talabalarǵa bayram sawǵası berildi.