Qáwipsiz parol qanday bolıwı kerek?

Informaciya qáwipsizliginiń eń zárúrli tarawlarınan biri - parollar qáwipsizligi hám isenimliligi temasına taǵı bir márte toqtap ótemiz. Házirgi maqalada brute force usılı menen buzıw derlik múmkinshiliksiz bolǵan, tabılıwı qıyın bolǵan bekkem parollar qanday bolıwı kerekligi haqqında toqtap ótemiz. Maqala azamat.uz saytınan alındı.

Boston universitetiniń rásmiy saytında berilgen maǵlıwmatǵa kóre parollerdi buzıw ushın oǵada qıyın hám usınıń menen birge eslep qalıw ushın júdá ańsat formada tańlaw múmkinshiligi bar.

Parolıńız bekkem bolıwı hám brute force arqalı ańsatǵana buzılmawı ushın parollerińizdi tańlawda tómendegilerge itibar beriń:

  • parolińizde álipbe háripleri hám nomerler qatnassın;
  • kishi háripler menen birge úlken háriplerden da paydalanıń (paroller keys sensetiv esaplanadı );
  • múmkinshilik barınsha arnawlı belgiler (@#$%^&*)den paydalanıwǵa háreket etiń, biraq probel (bos jay)den paydalanbań. Sebebi birqansha sistemalar parollerdeǵı bos jaylardı esapqa almaydı;
  • hárip, nomer hám belgilerden sózler payda etiwge háreket etiń. Mısalı : “Adil” sózin a3@/ formasında jazıw múmkin;
  • sózlerdi orfografiyalıq qáteler menen, aytılıwına kóre jazıwǵa háreket etiń. Mısalı : “dombra” sózin dombre formasında jazıw múmkin
  • bir-birine mánis tárepinde uyqas bolmaǵan sózlerden paydalanıń. Mısalı : SuwıqÓrt;
  • háripler yamasa nomerlerdi belgiler menen, nomerlerdi háripler menen, háriplerdi bolsa nomerler menen almastırıp jazıń. Mısalı : b@) ($[-]A (“baxsha” sózi jazılǵan ).
  • Parol tańlaw processtiń eń qıyın basqıshı bolıwı múmkin. Sonday parol tańlawıńız kerek, ol basqalar ushın qıyın bolıwı menen birge ózińizdiń eslep qalıwıńızǵa júdá ańsat bolıwı kerek. Bir quramalı gaptıń bas háriplerin parol retinde tańlap alıwıńız múmkin. Mısalı :

    “Perzentlerimiz bizdan kóre kúshli, bilimli, dana hám álbette, baxıtlı bolıwları shárt!” gáptiń bas háriplerin alıp, parol retinde paydalanıw múmkin. Bul parol tómendegi kóriniske iye boladı : pbkkbdhábbsh. Bul paroldı jáne de quramalılastırıw ushın hár ekinshi háribin úlken haripte jazıw, A háriyın @ belgisi menen almastırıw, paroldiń baslanıwı hám aqırında tómengi sızıq _ sızıw múmkin. Parol sońında tuwılǵan jılıńızdıń sońǵı eki nomerin kiritip qoysańız, parol jáne de kúshli boladı 😉 Bunday paroldi basqalar hesh qashan taba almaydı, hátte kútilmegende kórip qalıwıda (eger jazıp almasa) eslep qalıwı da qılmaydi. Siz bolsa óz parolińiz ańsatǵana yadta saqlay alasız hám hesh qashan umıtpaysız.

    Parol qáwipsizliginde eń zárúrli zatlardan taǵı biri - bir paroldı barlıq sistemalar ushın birdey kóriniste isletpewge itibar beriw bolıp tabıladı. Jeke ózimniń kemshiliklerimnen biri bir paroldi derlik barlıq akkauntlarim ushın birdey kóriniste isletiwim esaplanadı. Tez kúnlerde bul qáteni ońlawǵa háreket etemen.
    Bir paroldı barlıq sistema hám saytlarda isletiw oǵada qáwipli ámeliyatlardan esaplanadı. Oyda sawlelendiriw, torrent saytda isletetuǵın parolińizdi kimdir bilip qaldı, atap aytqanda sol parol menen Odnoklassniki, Facebook, YouTube akkauntlarıńızǵa biymálel kirey aladı. Bunnan tısqarı E-mailıńız hám Telegram akkauntıńızdı da (SMS kod muwapıqlılıǵında, álbette) ashıwǵa eristi. Menińsha bunday jaǵdayǵa túsiwdi hesh kim qálemeydi.

    Endi parollardı buzıwda isletiletuǵın brute force usılında parolińiz hár qıylı strukturaǵa iye bolǵan waqıtta onı tabıw ushın neshe urınıs ketiwi haqqında bilip alsaq. Arnawlı programma járdeminde parolıńizdi tawıp alıw ushın urınıslar sanı usı jaǵdaylarda tómendegishe bolar eken:

  • parol inglizshe sózden ibarat bolsa – shama menen 600 000 urınıw(kombinaciya);
  • parol tek nomerden ibarat bolsa - 100 000 000 urınıw(kombinaciya);
  • tek kishi keysde jazılǵan álipbe háriplerinen ibarat bolsa - 208 827 064 576 urınıw(kombinaciya);
  • úlken hám kishi keysli álipbe háripleri bolsa - 53 459 728 531 456 urınıw(kombinaciya);
  • úlken hám kishi álipbe háripleri hámde nomerlerden ibarat parol - 218 340 105 584 896 urınıw(kombinaciya);
  • nomer, hárip hám belgilerden ibarat parol - 1 853 020 188 851 840 urınıw(kombinaciya).
  • Ayrım sistemalar ádetde kóp ret urınıwǵa jol qoymaydı. Geypara sistemalar 3 ret qáte parol kiritilgennen akkaunttı bloklap qoysa, geyparaları paydalanıwshını belgili ret qáte parol kiritilgennen keyin belgili múddet kútiwge májbúr etedi. Qıyınlıq dárejesi joqarı bolǵan, nomer-hárip-belgi muwapıqlıǵıdaǵı parollardı buzıw brute force usılı ushın derlik barlıq sistemalarda múmkinshiliksiz esaplanadı.

    Parollardıń uzınlıǵı da áhmiyetke iye. Mısalı :

  • 8 belgi-hárip-cifrlı parol 645 trillion kombinaciyada ;
  • 9 belgi-hárip-cifrlı parol 45 kuadrelion kombinaciyada ;
  • 10 belgi-hárip-cifrlı parol 3 kuintilion kombinaciyada tabılıwı múmkin eken!
  • Juwmaq ornıda, parollerińızdi múmkinshiligi barınsha qıyın formada tańlawǵa háreket etiwińizdi (ózime de ) máslahát beremen. Maǵlıwmatlarıńız qáwipsizligine itibar qaratıń hám ápiwayı parollerden paydalanbań!

    Mektepke shekemgi tálim fakulteti baspasóz xızmeti: Ádil Keńesbaev


    SOŃǴÍ JAŃALÍQLAR

    Mektepke shekemgi tálim fakulteti jańalıqları menen tanısıń!

    Logopedler bayramı

    Mektepke shekemgi tálim fakultetinde 14-noyabr "Logopedler bayramı" keń túrde belgilendi. Bayramda student jaslar tárepinen tayarlanǵan saxnalıq kórinisler hámde ayaq oyınlar qatnasıwshılar názerine usınıldı.

    Spidke qarsı gúres

    29-noyabr kúni 1-dekabr "Xalıqaralıq spid hám narkomaniyaǵa qarsı gúresiw kúni" múnásebeti menen 1-2 kurslar arasında "Biz narkomaniyaǵa qarsımız" atlı tádbir shólkemlestirildi. Tádbirde fakultet dekanı hám professor oqıtıwshılar qatnastı.

    Xosh keldiń "Jańa jıl"

    17-dekabr kúni jańa 2020-jıl kirip keliwi múnásebeti menen bayram tádbiri shólkemlestirildi. Keshege jıynalǵan qatnasıwshılar bayram menen qutlıqlandı. 2019-jıl jaqsı nátiyjege erisken ustaz hám talabalarǵa bayram sawǵası berildi.