Mektepke shekemgi tálim fakulteti ustazları hám talabaları Moynaq rayonında
Ózbekstan Respublikası Prezidenti Sh.Mirziyoyev tárepinen islep shıǵılǵan háreketler strategiyasın ámeliyatta qollaw hám nátiyjeliligin arttırıw maqsetinde Mektepke shekemgi tálim fakulteti jámááti Moynaq rayonındaǵı bir qatar mektepke shekemgi bilimlendiriw shólkemlerinde boldı.
Solardan biri, Moynaq rayonındaǵı 3-sanlı Mektepke shekemgi bilimlendiriw shólkemi. Shólkemde fakultet ziyrek talabaları baqsha tárbiyalanıwshıları menen jaqınnan tanıstı hám tálim-tárbiyalıq jumıslar alıp bardı. Baqsha tárbiyalanıwshılarınıń oylaw qábiliyetin rawajlandırıw, shaqqanlıqların asırıw maqsetinde hár qıylı viktorina oyınların shólkemlestirdi.
Bunday tájiriybe almasıwlardıń ótkeriliwi, talabalardıń institutta alǵan bilimlerin ámeliyatta qollap, keleshekte óz kásibiniń maman qánigeleri bolıp jetilisiwde jaqınnan járdem beredi.
Mektepke shekemgi tálim fakulteti baspasóz xızmeti
